సంగీత చూపు ఇప్పుడు బుల్లితెరపై పడిందని అంటున్నారు. లోగడ కొంతకాలం పాటు ఆమె కెరీర్‌ వేగవంతంగానే సాగింది. “ఖడ్గం’, “పెళ్ళాం ఊరెళ్లితే‘ వంటి చిత్రాలు సంగీతకు ఎంతో పేరు తెచ్చిపెట్టాయి. ఆ తర్వాత కూడా ఆమె ఎన్నో సినిమాలు చేసింది. ప్రస్తుతానికి ఆమె నటించిన “శ్రీమతి కల్యాణం’ విడుదలలో జాప్యం చోటుచేసుకుంది. అయితే కొత్త హీరోయిన్లు తాకిడి ఎక్కువ కావడం, వ్యక్తిగతంగా తన సక్సెస్‌ రేట్‌ పడిపోవడంతో సంగీతకు అవకాశాలు సన్నగిల్లాయి. ఈ నేపథ్యంలో తమిళ గాయకుడైన క్రిష్‌ను ఆమె పెళ్లి చేసుకుంది. పెళ్లి తర్వాత కూడా ఆమె నటనను కొనసాగిస్తూనే ఉంది. అయితే ఇటీవల కాలంలో అవకాశాలే అంతంతమాత్రంగా ఉన్నాయి. దాంతో ఆమె చూపు బుల్లితెరపై పడిందని అంటున్నారు. ఇందులో భాగంగా తమిళ సీరియల్స్‌లో నటించేందుకు ఆమె పావులు కదుపుతోందని చెబుతున్నారు. కొన్ని టీవీ ఛానల్స్‌ తమిళ సీరియల్స్‌ను తెలుగులోకి డబ్‌ చేస్తున్న విషయం తెలిసిందే. ఆ రకంగా తెలుగు టీవీ ప్రేక్షకులకు కూడా దగ్గర కావచ్చన్న ఆమె ఆలోచనట.
Source: www.andhraprabhaonline.com
No comments:
Post a Comment