బుల్లితెరపై అత్యధిక పారితోషకం పొందిన సినీ నటుడుగా బాలీవుడ్ హీరో హృతిక్ రోషన్ నిలిచాడు. ఒక టివీ ఛానల్‌లో ప్రసారం కానున్న డ్యాన్స్ రియాల్టీ షోకు అతడు న్యాయనిర్ణేతగా వ్యవహరిస్తున్నాడు.
స్టార్ ప్లస్ టివీ ఛానల్ 'జస్ట్ డ్యాన్స్' రియాల్టీ షోను రూపొందిస్తున్నది. రియాల్టీ షో షూటింగ్ వచ్చే నెలలో ప్రారంభమవుతుంది. ఆ రియాల్టీ షోలో పాల్గోనే పోటీదారుల నాట్య సామర్థ్యాన్ని అంచనావేసే బాధ్యతను బాలోవుడ్ నృత్యదర్శకులు ఫరాఖాన్, వైభవీ మర్చంట్‌లతో 37 సంవత్సరాల హృతిక్ పంచుకుంటాడు.
హృతిక్ ఈమధ్య కాలంలో నటించగా విడుదలైన 'కైట్స్', 'గుజారిష్' చిత్రాలు బాక్సాపీస్ వద్ద బోల్తా కొట్టాయి. దాంతో బుల్లితెరపై విజయవంతమైన ఇన్నింగ్స్‌ను అతడు ప్రారంభించాడు.
"భారీ వైఫల్యాల తర్వాతనే భారీ విజయం వరిస్తుంది" అని గత మాసం డ్యాన్స్ రియాల్టీ షో ఆవిష్కరణ కార్యక్రమంలో హృతిక్ వ్యాఖ్యానించాడు. రియాల్టీ షోలో నటించే ప్రతి ఎపిసోడ్‌కు దాదాపు రూ. రెండు కోట్లను కార్యక్రమ నిర్వాహకులు ఆయనకు చెల్లిస్తారనే వార్తలపై హృతిక్ స్పందిస్తూ "నాకు తగిన పారితొషకం ఇస్తున్నారనే అనుకుంటున్నాను" అని అన్నాడు.
కానీ బుల్లితెరపై నటించే బాలీవుడ్ నటుల్లో అత్యధిక పారితోషకాన్ని హృతిక్ రోషన్ పొందుతున్నాడని ఆయన సన్నిహిత వర్గాలు వెల్లడించాయి. "ప్రతి ఎపిసోడ్‌కు ఆయనకు రూ. రెండు కోట్లు చెల్లిస్తారు. సల్మాన్ ఖాన్ ఒక టివీ షో కోసం కేవలం వారాంతాల్లోనే నటిస్తున్నాడు. ఒక్క రోజులో రెండు ఎపిసోడ్లలో నటించినందుకుగాను సల్మాన్‌కు రూ. 2.5 కోట్లు ముట్ట చెప్పారు" అని వర్గాలు తెలిపాయి.
Source: www.apweekly.com
No comments:
Post a Comment