చూస్తే ఈ ఏడాదంతా క్రికెట్ పండుగ జరిగేటట్టేఉంది. వరల్డ్‌కప్, ఐపిఎల్ నాలుగో సీజన్ ముగిశాక క్రికెట్ మీద సెలబ్రిటీ క్రికెట్ లీగ్ దృష్టి పెట్టింది. సినీతారల క్రికెట్ సందడి జూన్ మొదటి వారంలో ప్రారంభం కానుంది. దేశంలో మొట్ట మొదటి సారిగా బాలీవుడ్, దక్షిణాది సినీతారలు క్రికెట్‍లో తమ టాలెంట్ నిరూపించు కోవడానికి తహతహలాడుతున్నారు. సిసిఎల్ తొలి సీజన్‌లో బాలీవుడ్, తెలుగు, తమిళం, కన్నడ సినీ హీరోలు, నటులు ఆరు లీగ్ మ్యాచ్‌లు ఆడనున్నారు. చివరి మ్యాచ్ ఉత్కంఠ భరితంగా ఉంటుంది. ఈ క్రికెట్ మెగా ఈవెంట్‍కు సన్నాహక మ్యాచ్‌గా బాలీవుడ్X1, సౌత్ సూపర్ స్టార్స్X1 జట్లు ఢీకొననున్నాయి. వైజాగ్‌లోని విడిసిఎ క్రికెట్ స్టేడియంలో మార్చి 5న ఈ సన్నాహక మ్యాచ్ డే అండ్ నైట్ జరుగుతుంది. బాలీవుడ్ టీం (ముంబై హీరోస్)కు సునీల్‍శెట్టి కెప్టెన్‌గా, తెలుగు ఇండస్ట్రీ నుంచి మన జట్టుకు విక్టరీ వెంకటేష్ కెప్టెన్‌గా వ్యవహరిస్తారు. అలాగే తమిళ జట్టుకు సూర్య, కన్నడ జట్టుకు సుదీప్ కెప్టెన్‌గా వ్యవహరిస్తారని సిసిఎల్ వర్గాలు తెలిపాయి. క్రికెట్, సినిమా రెండూ కలిస్తే అభిమానులకు పండగేగా మరి.!
Source: medianx.tv
No comments:
Post a Comment