తెలుగునాట పాప్యులర్ టీవీ చానెల్ అయిన మాటీవీ సినిమా అవార్డుల వేడుకను ఘనంగా నిర్వహించనుంది. అందాల తారల ఆట, పాటలు, హాస్య నటుల కామెడీ స్కిట్లతో ‘లక్స్ శాండల్ సినిమా అవార్డ్స్ 2011’ వేడుక కనువిందుగా జరగనుంది. ఈ నెల 19న జరగబోయే ఈ వేడుకలో ప్రముఖ గాయకుడు పద్మభూషణ్ ఎస్పీ బాలసుబ్రహ్మణ్యంకి జీవన సాఫల్య పురస్కారం అందజేయనున్నామని మా టీవీ ప్రతినిథి తెలిపారు.
ప్రేక్షకుల అభిరుచికి అనుగుణంగా పలు కార్యక్రమాలను అందిస్తున్న మా టీవీ ఈ అవార్డ్స్ వేడుకను వైవిద్యభరితమైన రీతిలో నిర్వహించడానికి సన్నాహాలు చేస్తోంది. గత ఎనిమిదేళ్లుగా విజేతల ఎంపికలో పారదర్శకతతో వ్యవహరించడమే ఈ అవార్డుల విజయానికి, విశ్వసనీయతకు ప్రధానం కారణం అని వారు పేర్కొన్నారు. ప్రేక్షకులకు కావల్సినంత వినోదాన్నిచ్చే ఈ వేడుకలో పాల్గొనాలంటే మా టీవీ చూడాల్సిందేనని కూడా తెలియజేశారు.
Source: www.telugu.cineandhra.in
No comments:
Post a Comment