తన ‘కైట్స్’ ‘గుజారిష్’ రెండు చిత్రాలూ బాక్స్‌ఆఫీసు వద్ద ఫట్టయితేనేం…. ఏనుగు..ఏనుగే అన్నట్టు బాలీవుడ్ స్టార్ హృతిక్ రోషన్ మాత్రం బుల్లితెరపై కాసుల వర్షం కురిపించుకుంటున్నాడు. ‘జస్ట్ డ్యాన్స్’ పేరిట స్టార్‌ప్లస్‌లో రానున్న డ్యాన్స్ రియాలిటీ షోకు న్యాయనిర్ణేతగా వ్యవహరించనున్న హృతిక్ ఒక్కో ఎపిసోడ్‌కు 2 కోట్ల రూపాయలు డిమాండ్ చేశాడు. ఇందుకు స్టార్ ప్లస్ కూడా ఓ.కే. అంది. ‘నాకు బాగానే ముట్టింది’ అంటున్నాడు ముసిముసి నవ్వులతో హృతిక్! పెద్ద వైఫల్యాల తర్వాత పెద్ద సక్సెస్ ఉంటుందనడానికి ఇదే నిదర్శనం అంటున్నాడు. టెలివిజన్‌లో హయ్యెస్ట్ పెయిడ్ యాక్టర్ అంటే హృతిక్కే అని టివి వర్గాలు కూడా అంటున్నాయి. స్టార్ ప్లస్‌లో ‘జస్ట్ డాన్స్’ రియాల్టీ షో వచ్చే నెల నుంచి ప్రారంభమవుతుంది. ఇందులో హృతిక్‌తో బాటు కొరియోగ్రాఫర్లు ఫరాఖాన్, వైభవీ మర్చంట్ న్యాయనిర్ణేతలుగా వ్యవహరించనున్నారు. ఇక బుల్లితెర పారితోషికాల విషయానికి వస్తే ఇటీవల వీకెండ్స్‌లో సల్మాన్ ఖాన్ ఒక్క రోజే షూటింగ్ ముగించి రెండున్నర కోట్లతో ఇంటి కెళ్లాడట! సినిమాలు ఫట్టయినా వీరిని హిట్ చేసేందుకు టివిలు ఉండనే ఉన్నాయి మరి.
Source: medianx.tv
No comments:
Post a Comment