క్రీడల్లో క్రికెట్ రారాజుగా మారి పోయింది. క్రికెట్ మీద టివి ఛానళ్లకు కాసులు పండుతున్నాయి గత ఏడాది వీటికి కేవలం క్రికెట్ పైనే 1500 కోట్ల రూపాయల ఆదాయం వచ్చిందని అంచనా. ఈ సంవత్సరం వరల్డ్‌కప్, ఐపిఎల్ ఉండనే ఉన్నాయి. వీటి ద్వారా ఈ ఆదాయం దాదాపు 1800 కోట్లకు పెరగవచ్చునని భావిస్తున్నారు. పెద్ద సంఖ్యలో అడ్వర్టయిజర్లు – టెలికాస్ట్ హక్కుల కోసం పోటీలు పడుతున్నారు. 2007లో మూడు టెలికాం కంపెనీలు మాత్రమే క్రికెట్ టెలికాస్ట్ హక్కులు కోరగా, ఇప్పుడు వీటి సంఖ్య 17కు పెరిగిపోయింది. 2007లో సోనీ టివితో పోలిస్తే ఇఎస్‌పిఎన్, స్టార్ స్పోర్ట్స్ వంటి ఛానెల్స్ ఇప్పుడు రెట్టింతల ఆదాయం పొందుతున్నాయట! వరల్డ్‌కప్ నుంచి న్యూస్‌ ఛానెల్స్ కూడా బాగానే లాభపడుతున్నాయని ‘లోడ్ స్టార్ యూనివర్సల్’ సిఇఓ ప్రముఖ విశ్లేషకుడు అయిన శశిసిన్హా తెలిపారు. క్రికెట్‍పై ఛానల్స్‌కు వచ్చిన ఆదాయం మీద ఆయన అధ్యయనం చేశారు.
Source: medianx.tv
No comments:
Post a Comment