మాటీవీలో ఇటీవల ప్రసారమైన సినీ అవార్డ్స్ ఫంక్షన్ ఎంతో ఆసక్తిగా సాగింది. ఐతే ఈ ఫంక్షన్‌కి యాంకర్‌గా వ్యవహరించిన సినీ నటుడు చేసిన కొన్ని అసభ్య వ్యాఖ్యలు ఇబ్బంది కలిగించాయి. కొందరు హీరోయిన్ల విషయంలో ఆయన చేసిన వ్యాఖ్యలు చాలా చౌకబారుతనంగా ఉన్నాయి. వీటివల్ల ఈ ఫంక్షన్ నిండుతనం కోల్పోయింది. ఇటువంటి అవార్డుల ఫంక్షన్లకు హాస్య నటీనటులను దూరంగా ఉంచటం మంచిదని నా అభిప్రాయం. ఒక సినిమా హిట్ అవ్వాలంటే దానిలో నటించిన అందరూ కారణం. కానీ ఆయా సినిమాల్లో నటించిన హీరోయిన్ల విషయంలో ఎందుకు చౌకబారు విమర్శలు చేస్తారో అర్థం కాదు. ఇటువంటి విమర్శలను అందరూ ఖండించాలి. ఆమె లావుగా ఉండొచ్చు. అదే విధంగా మొన్నటి వరకూ లావుగా ఉన్న చిరంజీవిని విమర్శించగలరా? ఎందరో లావుగా ఉన్నారు మరి వారిని విమర్శించగలరా? అదీ ఒక పబ్లిక్ ఫంక్షన్‌లో చేయటం సభ్యత కాదని మా అభిప్రాయం. ఇటువంటి చౌకబారు విమర్శలు చేయటం ఇది వరకు చాలా ఫంక్షన్లలోనూ జరిగింది.
Source: www.andhrabhoomi.net
No comments:
Post a Comment