బెస్ట్ ప్రోగ్రామ్ గా “ప్రేమతో మీ లక్ష్మి”

బెస్ట్ ప్రోగ్రామ్ గా “ప్రేమతో మీ లక్ష్మి”

ఈటీవీలో ప్రసారమవుతున్న “ప్రేమతో మీ లక్ష్మి” కార్యక్రమం తెలుగు టెలివిజన్ కార్యక్రమాలన్నింటిలో అత్యధిక ప్రేక్షకులు చూస్తున్న ప్రోగ్రామ్ [టి ఆర్ పి రేట్ ప్రకారం]గా నమోదు అయింది.

ప్రముఖ నటుడు మోహన్ బాబు కుమార్తె మంచు లక్ష్మి వ్యాఖ్యాతగా వ్యవహరిస్తున్న ఈ కార్యక్రమాన్ని అన్నీ వర్గాల తెలుగు ప్రేక్షకులు అత్యంత ఇష్టంగా చూస్తున్నారని దీనిని బట్టి తెలుస్తుంది. ఇంతకు ముందు లక్ష్మి వ్యాఖ్యాతగా జీ తెలుగు లో చేసిన “లక్ష్మి టాక్ షో” బెస్ట్ ప్రోగ్రామ్ గా బహుమతి పొందింది.

ప్రముఖ నటీనటులు, చిత్ర రంగ ప్రముఖులు ను ఆహ్వానించి నిర్వహిస్తున్న ఈ కార్యక్రమం చాలా ఆసక్తి దాయకంగా ఉంటుందని ప్రేక్షకులు తెలిపారు. ముఖ్యంగా ఇంతకు మూడు ఎవరూ అడగని ప్రశ్నలు అడుగుతూ లక్ష్మి “ప్రేమతో మీ లక్ష్మి” లో ప్రదర్శిస్తున్న తీరు ఆకట్టుకుంటుంది.

అమెరికా లో ఉన్న లక్ష్మి తెలుగు బాష మాట్లాడే తీరు మరో ముఖ్య ఆకర్షణగా నిలిచింది. మాట్లాడే తీరు అనేక మంది ప్రేక్షకులను ఆకట్టుకుంటుంది. కార్యక్రమంలో లక్ష్మి కనిపించే తీరు, మేకప్ మరో ముఖ్య ఆకర్షనీయాంశం.

ప్రముఖ షాపింగ్ మాల్ కళామందిర్ సమర్పిస్తున్న ఈ కార్యక్రమం ప్రతి గురువారం రాత్రి 9.30 నిమిషాలకు ఈ టీవి లో ప్రసారమవుతుంది.

కొన్ని సందర్భాలలో లక్ష్మి అడిగిన ప్రశ్నలకు సమాధానం చెప్పలేక, మరి కొన్ని సమయాలలో సెలెబ్రిటీలు కంట తడి పెట్టుకున్న సందర్భాలు కూడా ఉన్నాయి. ఈ అంశాలన్నీ కలగలిపి “ప్రేమతో మీ లక్ష్మి” కార్యక్రమం టెలివిజన్ రంగంలో గొప్ప హిట్ గా నిలిచింది.

Source: www.mana-andhra.com