ప్రతిష్టాత్మకమైన టిఎస్‌ఆర్ ఫిల్మ్ అవార్డుల కార్యక్రమాన్ని టివి9 నిర్వహించనుంది. కేంద్ర మాజీ మంత్రి, కాంగ్రెస్ సీనియర్ నేత, కళాబంధు టి.సుబ్బరామిరెడ్డి ప్రవేశ పెట్టిన ఈ అవార్డులకు ప్రేక్షకులే న్యాయ నిర్ణేతలుగా వ్యవహరించనున్నారు. ఉత్తమ నటుడు, ఉత్తమ నటి, ఉత్తమ యువ నటుడు, ఉత్తమ యువ నటి తదితర రంగాలకు సంబంధించి అవార్డుల ప్రదాన కార్యక్రమం ఏప్రిల్ 10న శిల్పకళావేదికపై అంగరంగ వైభవంగా జరగనుంది. ఈ కార్యక్రమానికి… ప్రోమోలు సిద్ధమయ్యాయి. బాలీవుడ్ నుంచి ధర్మేంద్ర, మహిమాచౌదరి, అమీషా పటేల్ వంటి అగ్రశ్రేణి తారలే కాక, టాలీవుడ్ నుంచి అనేక మంది సినీ నటీనటులు ప్రముఖులు హాజరై దీనికి వన్నె తేనున్నారు. సినీ వినీలాకాశంలో ఎవరి నటన ఉజ్వలంగా ఉంటుందో ప్రేక్షకులు తేల్చనున్న ఈ చక్కని వేడుక ‘న భూతో న భవిష్యత్’ అన్న తీరులో జరగనుందని టిఎస్‌ఆర్ అంటున్నారు.
Source: medianx.tv
No comments:
Post a Comment