2009లో బాక్సాఫీసు బద్దలు కొట్టిన తెలుగు బ్లాక్‌బస్టర్ చిత్రం ‘మగధీర’ను హిందీలో తీస్తున్నట్టు ‘గజిని’ ప్రొడ్యూసర్ మధుమంతెన ప్రకటించారు. రామ్‌చరణ్‍తేజ, కాజోల్ జంటగా నటించిన ‘మగధీర’ పలు అవార్డులు సైతం సొంతం చేసుకుంది. అద్భుతమైన గ్రాఫిక్స్, కంప్యూటర్ వర్క్స్, పునర్జన్మ అంశంతో సరికొత్త కథనం- ఈ సినిమాకు హైలైట్‌గా నిలిచాయి. 17వ శతాబ్దం నాటి కథనాన్ని, 400 ఏళ్ల తర్వాత ఆధునిక కాలంతో ముడిపెడుతూ సాగిన ఈ సినిమా సంగీతంలోనూ సరికొత్త బాణీని పలికించింది. ప్రేక్షకులను మురిపించింది. మగధీర హిందీ రీమేక్‌లో బాలీవుడ్ నటుడు రణబీర్ కపూర్ డబుల్‍రోల్‍లో నటిస్తాడు. మగధీర దర్శకుడు ఎస్.ఎస్.రాజమౌళి ఈ సినిమాకూ దర్శకత్వం వహించనున్నారు. మలయాళంలో డబ్ అయిన ఈ సినిమా “ధీరన్” త్వరలో రిలీజ్ కానుంది.
Source: medianx.tv
No comments:
Post a Comment