టివి కార్యక్రమాలను ప్రొడ్యూస్ చేయాలనుకుంటున్నారా! అయితే తమ వెబ్‍సైట్‍ను ఆశ్రయించండి అంటున్నారు బిబిసివారు. టివితోపాటు రేడియోకు సంబంధించి ఆన్‌లైన్ ప్రొడక్షన్ కార్యక్రమాలకు తాము సహకరిస్తామని చెబుతున్నారు. బిబిసి స్టాఫ్‌కే కాక, బ్రాడ్‌కాస్టింగ్ ఇండస్ట్రీకే ఇది ‘వరప్రదాయిని’ అని బిబిసి అంటోంది. ఇప్పటికే బిబిసి కాలేజ్ ఆఫ్ జర్నలిజం వెబ్‍సైట్ ఉంది. ఇదికాక కొత్తగా ఈ వెబ్‍సైట్‍ను లాంచ్ చేశారు. ఇందులో షార్ట్ రేడియో ప్రొగ్రామ్స్, వీడియోలు, బోధనా పద్ధతులతో సహా నిపుణుల చేత సూచనలు, సలహాలు అన్నీ ఉంటాయి. వీటిని పొందదలచినవారు ప్రశ్నలు కూడా అడగవచ్చు, సెల్ఫ్‌షూటింగ్, ఎడిటింగ్, ఇంటర్‌వ్యూయింగ్ వంటివి కూడా ఈ సైట్‍లో ఉంటాయి. ప్రపంచవ్యాప్తంగా బిబిసికి మొబైల్ వర్క్‌సోర్స్ ఉంది. ఈ కొత్త వెబ్‍సైట్‍తో ప్రజలకు మరింత చేరువవుతామని బిబిసి ఆశిస్తోంది.
Source: medianx.tv
No comments:
Post a Comment