ఏ సీరియల్ అయినా మొదలైందంటే - సుమారు ఏడాది గ్యారంటీ అన్న సిద్ధాంతం ఉండనే ఉంది. ఐతే - షూటింగ్‌ల్లో గొడవ వల్లనో.. లేదా మరే ఇతర కారణాల వల్లనో ఆయా సీరియళ్లలోని పాత్రధారులు మారిపోవటం సర్వసాధారణంగా జరిగే అంశం. చూస్తూ చూస్తూండగానే - ఫలానా కేరెక్టర్‌ని మార్చి ఈ ఫలానా కేరెక్టర్‌ని ప్రవేశపెడుతున్నాం అని స్క్రీన్ మీద ‘చిన్న’ కాప్షన్ కనిపిస్తుంది. ఆ హీరోయిన్ అయితేనే - బావుండేది. మధ్యలో దీన్ని తెచ్చి పెట్టారు? అంటూ సణుక్కున్నా.. చచ్చినట్టు చూడాల్సిందే. సరిగ్గా అదే పరిస్థితి ‘రిస్తోం సే బడీ ప్రతా’లో వచ్చింది. షాలినా చంద్రన్‌ని తీసేసి ‘బిడాయ్’ ఫేమ్ పరుల్ చౌహాన్‌ని తెచ్చి పెట్టారు. ఇప్పటికే ఆ ‘సురభి’ పాత్రతో జనాన్ని మైమరపింపజేసిన షాలిని నిష్క్రమించడం జనాన్ని తికమక పెట్టింది. కానీ - ఆమె సెట్స్‌పై ప్రదర్శించిన ‘అన్ ప్రొఫెషనల్ బిహేవియర్’ నిష్క్రమణకు కారణమని భోగట్టా. ‘కామెడీ సర్కస్’తో జనం దృష్టిలోనూ యూనిట్ దృష్టిలోనూ పడిన పరుల్ ఈ పాత్రకి న్యాయం చేస్తుందంటున్నారు. మరోవైపు - నేను ప్రొఫెషనల్ యాక్టర్‌ని. ఇంట్లో కూర్చుని ఆలోచించను. మళ్లీ సెట్స్‌పై కనిపిస్తానంటూ సవాల్ విసురుతోంది షాలిని. ఇప్పటికే ఎన్నో అవకాశాలు వచ్చినా వాటిని వదులుకుని ‘ప్రతా’కై పాకులాడానని చెబుతోంది కూడా.
Source: www.andhrabhoomi.net
No comments:
Post a Comment