ఫాక్స్ ఇంటర్నేషనల్ ఛానల్ ఇక ప్రాంతీయ భాషల్లో తన ప్రసారాలను ప్రారంభించనుంది. ‘ఫాక్స్’ ఆధ్వర్యంలో వస్తున్న నేషనల్ జియొగ్రాఫిక్ ఛానల్ అరుదైన జంతుజాల విశేషాలను చూపుతోంది. హిందీ, తెలుగు, బెంగాలీ భాషల్లో వస్తున్న నేషనల్ జియొగ్రాఫిక్‌తో బాటు ‘నేషనల్ జియో అడ్వెంచర్’ అనే మరోకొత్త ఛానల్‍ను ప్రారంభిస్తున్నారు. ప్రస్తుతం అమెరికా, మలేసియాలలో వస్తున్న ఈ ఛానెల్ ప్రసారాలు త్వరలో భారత్‌లోనూ దర్శనమివ్వనున్నాయి. కేవలం అరుదైన జీవజాల విశేషాలనే కాక ఈ జీవజాలం అంతరించి పోకుండా ఎలాంటి జాగ్రత్తలు తీసుకోవాలన్న అంశాన్ని కూడా ఇందులో ప్రస్తావిస్తారు.
నేషనల్ జియొగ్రాఫిక్ ఛానల్ ప్రపంచ వ్యాప్తంగా 120 గంటల పాటు వివిధ కార్యక్రమాలను ప్రసారం చేస్తోంది. ఈ ఛానల్‍కు ఓ వెబ్‍సైట్ కూడా ఉంది. భారత్‌లోని అరణ్యాలు, పర్వత ప్రాంతాలు, అరుదైన వన్య ప్రాణుల విశేషాలతో త్వరలో “నేషనల్ జియో వైల్డ్” ఛానల్ పిల్లలను, పెద్దలను అందరినీ అలరించనుంది.
Source: medianx.tv
No comments:
Post a Comment