సెట్స్‌లోనే ఒకటై పోవటం - ఈ మధ్య తరచూ జరుగుతోంది. గంటల తరబడి షూటింగ్‌లూ.. బిజీ షెడ్యూల్స్‌తో ఎప్పుడూ ఒకరిని ఒకరు అంటిపెట్టుకుని ఉండటంతో ‘ప్రేమ’ (?) ఆటోమేటిక్‌గా చిగురిస్తుంది. ఈ మధ్య కాలంలో ఎన్నో జంటలు ఈ విధంగానే కలుసుకున్నాయి. పెళ్లిళ్లు చేసుకున్నాయి. ఆనక విడిపోయాయి కూడా. తాజాగా ‘ఉత్తరాన్’లో వీర్ (నందీష్ సంధూ) - తపస్య (రష్మీ దేశాయ్) కూడా ఇదే పంథాలో పెళ్లి చేసుకున్నారు. సీరియల్‌లో కేరెక్టర్లు కాదు.. రియల్ లైఫ్‌లోనే. కానీ - ఇదంతా గుట్టుచప్పుడు కాకండా జరిగిన వ్యవహారం. ‘ఆన్ స్క్రీన్ రిలేషన్’ని ‘రియల్ లైఫ్’లో నిజం చేసుకున్నారని ఆ నోటా ఈ నోటా మాట. ఇటీవల విజయనగరంలోని ఒక దేవాలయంలో పెళ్లి చేసుకుని.. ఆ తర్వాత అటు నుంచటే ఘజియాబాద్ ‘తెహ్‌సిల్’ రిజిస్ట్రార్‌ని కలిసి మ్యారేజ్ సర్ట్ఫికెట్ కూడా తీసుకున్నార్ట. ‘ఉత్తరాన్’ సెట్స్‌లోనే డేటింగ్ చేసిన వీరిద్దరూ పలు అవార్డు ఫంక్షన్లకు జంటగా రావటంతో అప్పటి వరకూ అనుకున్న ‘రూమర్స్’ కాస్తా నిజాలయ్యాయి.
Source: www.andhrabhoomi.net
No comments:
Post a Comment