‘ఇమాజిన్’లో రియాలిటీషోలు ఎప్పుడూ న్యూస్‌లో ఉంటున్నాయి. రాఖీసావంత్ ‘స్వయంవర్’ గానీ రాహుల్ ‘దుల్‍హనియా లే జాయింగే’ కానీ… ఏదైనా అనేక మందిని ఆకట్టుకుంటూ వచ్చాయి. మనదేశంలో పెళ్లిళ్లు అంటే ఆషామాషీ కాదు. శ్రీమంతుల విషయం వదిలేస్తే, మధ్య తరగతివారు ఓ పెళ్లి చేయాలంటే కనీసం 5 నుంచి 10 లక్షల వరకు ఖర్చు చేయాల్సివస్తోంది. అయితే ఇమాజిన్ టివి ఇప్పుడు సరికొత్త రియాలిటీ షోకు శ్రీకారం చుడుతోంది. ఓ లక్కీ జంట పెళ్లికి అక్షరాలా మూడుకోట్ల రూపాయలు ఖర్చు పెట్టనుంది. ‘షాదీ తీన్ క్రోర్‌కీ’ పేరిట ఈ రియాలిటీషో ఆ లక్కీ జంట కలలను సాకారం చేయనుంది. ఈ షోలో కేవలం ఓ ఇన్విటేషన్ కార్డుకే 5 వేల రూపాయలు ఖర్చు పెడతారు. వధువుకు 25 సెట్ల నగలు, రిసెప్షన్, డిన్నర్‌లలో 250 రకాల డిషెస్ ఉంటాయి. మోనాసింగ్, అలీసాగర్‌లు హోస్ట్‌లుగా వ్యవహరించే ఈ షో ఓ మధ్య తరగతి లక్కీ జంటకు వరమేకానుంది. బాలీవుడ్ బాద్‌షా షారుఖ్ ఖాన్ నిర్వహిస్తున్న ‘జోర్‌కా ఝుట్కా’ స్థానే ఈ రియాల్టీషో ఈ నెల 28 నుంచి ప్రారంభమవుతొందని ఇమాజిన్ టివి వర్గాలు తెలిపాయి.
Source: medianx.tv
No comments:
Post a Comment